猪B尼两日好乖,乖到心慌慌

      星期三响新爸爸妈妈屋企食完饭出来，跟老公去佐三水广场三楼睇电影，大部分戏都睇过晒，求其揾佐场《XX智多星》猪B响肚肚都好乖仔仔噶，我谂佢当时系教猪紧。点知一开场啲声音大得都吓亲我！！响肚肚七个月大嘅BB仔，听觉已经发育完成，猪B一直响度大幅度噤郁来郁去一定系嘈醒佐佢~我谂可能只系一阵，点知睇佐十几分钟猪B都未停过，吓到老公都惊，声音太大会影响BB听觉，佢仲噤细听觉系最脆弱噶。我地决定唔睇啦，返屋企~

      果日之后，猪B都冇乜点郁啦，只系有时觉得有小小动静，真系好后悔去睇果场电影~决定到BB出世为止，我都唔去睇电影啦~真系好担心猪B仔仔会有事。

     尼段时间老公都照顾得我好好，好彩老公依家嘅上班时间就晒我，上一日休一日，我要做嘅检查老公都可以陪我。而且上次我要考试老公一早买定早餐8点就陪我去考场，果日因为电脑出问题，考试迟佐两个钟，原本两个钟搞掂，依家变成四个钟！老公都一直响学校等我，考完出来都差唔多中午12点啦！老公仲好高兴噤问我考成点，真系好耐力。

    08年1月，仔仔就要出世啦，好期待又好惊啊！庆幸老公有15天产假！记得03年家姐生飞飞仔仔嘅时候，家姐肚痛到哭出来，后来要用推车送入产房！我见家姐好痛苦，我都好惊呀，姐夫一直陪住家姐，就连住院果一个星期都未离开过家姐。依家我同样有一个对我噤好嘅老公，真系感到幸运。老公讲过会一直陪我响医院，直到我出院为止。如果要我自己一个响医院，我实闷到发癲！依家最惊就系生BB嘅痛呀~~听讲真系好痛噶，好惊呀！希望我可以顶得住啦~~

    猪B你要锡住妈咪呀~~