我B真系好叻仔仔呀~~

  33周产检，显示胎位唔正，而且脐带绕颈一周，问过三个医生都话要手术！！做晒剖腹产准备，安慰佐自己无数次，打算1月6日去剖腹产噶啦。我就比较迷信，点都要揾返个好日子，6号黄道吉日，诸事大吉。

  寻日38周产检，范医生帮我检查肚肚果阵，我有心乜野都唔讲，睇下佢讲乜。然后听佢讲：“胎头初入盆”。咦？唔系胎位唔正咩？？之后佢睇返我份围产表，由33周之后果几周都系胎位唔正，之前有两个医生帮我检查都摸唔到B个头仔噶。佢就重新帮我检查多次。我同范医生讲：“系唔系仲有一次B超要照噶，我好似觉得佢个位置唔同佐。”范医生话：“系呀，照下B超啦”。然后我同老公约佐下午照，前面有22个人，我排23。

  到佐下午三点半，去到医院已经4点。坐佐唔够一分钟就到我啦。今次帮我照嘅系3号室嘅男医生，用佐大约十几分钟。我问佢胎位系唔系唔正，佢话正佐啦。当时我听到好开心，因为我B真系好叻仔呀，我成日都同佢讲，要转返正个身，否则你出世就要比医生拉出来噶啦，噤样对你唔好对妈咪都唔好。我又问男医生胸口下面果个位置系乜野，因为一直都好痛，特别坐得耐有种刺痛嘅感觉```佢话系个屁股。记得33周照果阵同样问尼个问题，当时系1号室嘅女医生帮我照，佢话系头仔。我再次确定BB真系胎位正佐，心情都轻松佐好多。

  报告出佐来，显示先露：头，而且冇脐带绕劲（其实我一直好怀疑33周女医生系唔系照错佐。前一次响中医院照都冇显示有脐带绕颈，只系胎位仲未正。）说明我可以顺产啦。报告单攞去比范医生睇，佢话：“几好”并解释佐里面数据，估计BB大约有6斤多，话我噤高大，可以顺产唔使惊。不过我觉得佢好似想我剖腹产多啲。佢话如果我唔识生或难产就要剖腹产。

  依家我又担心会唔会好难生，会影响B仔安全。不过有希望顺产当然先顺啦，始终顺产会对B仔好好多噶。希望B出世可以顺顺利利，平平安安啦。仲要健健康康，聪明伶俐，一定一定要听爸爸妈妈话，做个乖猪仔。