三水教师平均工资不低于公务员

xkh

我係老师，我最有发言权。

做老师，压力就肯定有，呢种压力分两类：如果係三中同二中，就有成绩压力。因为果度啲人乖同听话，管理上冇咩压力。但係果度有成绩压力，学生天资过人，如果佢哋学唔好，就係老师嘅责任。再加上学校之间嘅攀比，呢种压力比普通学校嘅压力要大。另一种就係好似我咁，係普通中学，成绩压力冇乜，因为啲好学生都去晒三中同二中，我哋呢啲学生大部分都係无心向学。佢哋成绩唔好，唔係我哋嘅责任，如果想佢哋成绩好，咁就要我哋做老师嘅想尽千方百计啦。但係有时我哋力尽所能，亦未必可以改变佢哋嘅情况。冇成绩压力，唔代表冇压力，我哋有嘅係管理压力。啲学生唔听话，成日搞事，今日唔係打交，就听日闹事，再唔係就上课顶老师嘴，课后又唔做作业。教唆其他同学去偷嘢嘅，亦都有。大家话，作为一个初中老师都好难。早上六点几起身就唔使讲，班主任仲要比其他老师提前十五分钟到校，睇住啲学生，唔俾佢哋搞乱，有咩事又要同家长沟通。学生上其他老师嘅课唔听话，你要管，唔交作业又要管，同学之间有问题又要管，仲有好多好多，仲惨过做幼儿园老师，起码啲小朋友係烦啲，但係冇咁唔听话。

做小学老师都好惨，特别係教底年级嘅，因为佢哋乜都唔识，乜都要教，乜都要理，烦到你啊。我妈就係教小学啦，佢当初教我唔好教小学都係呢个原因。

大家都知道做公务员几轻松，当然，做警察就真係好辛苦啦，分分钟搵命搏喔，我都可以体谅。

社会上嘅人就识得睇住我哋呢啲做老师嘅，人工高，福利好，当初我选择做老师，係因为呢份工稳定。但係我哋承受嘅压力，又有边个知啊？话我哋发咩补课费，都话明补课费咯，果啲係加班费来咖，你哋自己加班都有钱啦，我哋要就唔得咯喔。

有人讲得好啱，我哋做老师嘅全部都係高学历，有实力嘅人，日日面对咁多学生，处理咁多突发情况，少啲能力都处理唔好。量力而行真係好啱某些人，佢哋总係见到人哋啲好处，自己心理唔平衡，就係度乱讲。

我啊，做老师之前身体好好，完全好事，但係做咗一年班主任，我就做到贫血，你话我有几辛苦，自己知自己事。

拜金小姐

唔系啊嘛。三水D老师虽然话真系辛苦。不过成日都有钱分噶窝。。。:lol :lol

嘉嘉

老师压力大,系人都知道的了,但老师工资由政府定,有补贴,有米有油派,但私人企业呢?派条毛比你......
管理学生难,大家都知道,但你要知道,私企的工人,大多都是学历低,很多都是初中毕业和连初中都没毕业的,和工友发生冲突,有可能第二天醒来,发觉自己已经躺在医院里了.....
压力谁没有的?!广东职工平均工资才1900左右,不要忘记还有很多人的收入达不到这个标准的......
老师的工资,能加的都会加给你们,私企呢?可以减的就尽量减,工资收入没保障,唉......身在福中要知福

lbcqzh

讲句得罪的话，既然老师认为自己的工资低，压力大的话，就辞职不干拉，现在三水企业越来越多，招聘越来越大，出来工厂做下，“无”压力，工资“高”。
公务员待遇好，其实都是具体看单位的，个个单位，个个工厂，个个人都系有压力的，只是看压力和工资成比例无。

网悠

三中的老师税前都有5k了。

夕非草林

不要只会羡慕他人，社会上很多有钱人的，你又能嫉妒多少呢～～～我从来都只会相信自己，只有打拼，先会有钱～～～

JANNY

D老师成日讲人地D政府公务员好，你米去做罗，无人左你架。

收几钱就做几多野，边个做野无压力架，看门口啊伯都要压力啦，都收鸡碎甘多钱。越睇越

5忍到，仲系度吵。反正心态要放正D，米你地点教育祖国未来既花朵啊！

你今日睇左未

:) :) :) :) 自己能满足的就好

小平

原帖由 RUIHONG 于 2007-11-17 12:05 发表
LS你睇下D公務員！！上班幾甘輕鬆！！工資收入幾甘豐厚:lol :lol :lol
睇睇報紙，飲飲茶！！
人心系沒有滿足！只不過系跟同等地區（佛山地區）的同行比下！！
你知依家D老師幾錢嗎？一個月只有2500元（是這市屬學 ...

做老师有奖金有福利噶嘛...  而且一年有两个长假.   

你话三水老师工资低.. 你五体下三水经济水平,教学水平有几高??  况且2500好低咩??   你未免太狮子张大口啦挂